:

Парадак выдачы пасведчання на вяртанне ў Рэспубліку Беларусь

Пасведчанне на вяртанне ў Рэспубліку Беларусь — дакумент, які пацвярджае права ўладальніка на аднаразовы ўезд у Рэспубліку Беларусь у тэрміны, вызначаныя ў ім, і які сведчыць асобу ўладальніка ў мэтах аднаразовага ўезду ў Рэспубліку Беларусь.

Пасведчанне на вяртанне ў Рэспубліку Беларусь выдаецца ў выпадках страты, непрыдатнасці для выкарыстання, заканчэння тэрміну дзеяння пашпарта або біяметрычнага пашпарта грамадзяніна Рэспублікі Беларусь або непаўналетняму грамадзяніну, народжанаму за межамі Рэспублікі Беларусь.

Пасведчанне на вяртанне ў Рэспубліку Беларусь выдаецца таксама замежнаму грамадзяніну або асобе без грамадзянства, якім прадастаўлены статус бежанца, дадатковая абарона або прытулак у Рэспубліцы Беларусь, асобе без грамадзянства, якая пастаянна пражывае ў Рэспубліцы Беларусь.

Пасведчанне на вяртанне выдаецца для аднаразовага ўезду ў Рэспубліку Беларусь і не можа быць скарыстана для выезду з Рэспублікі Беларусь. Дакумент таксама не дае права на жыхарства на тэрыторыі Турэцкай Рэспублікі.

Пасведчанне на вяртанне выдаецца на тэрмін, неабходны для выезду ў Рэспубліку Беларусь, але не больш за 6 месяцаў.

Для афармлення пасведчання на вяртанне ў Рэспубліку Беларусь асоба, якая дасягнула 14-гадовага ўзросту, падае асабіста наступныя дакументы:

  • заява на выдачу пасведчання з вызначэннем абставін страты (крадзяжу) пашпарта, дыпламатычнага або службовага пашпарта грамадзяніна Рэспублікі Беларусь або праязнога дакумента Рэспублікі Беларусь;
  • два каляровыя фатаздымкі заяўніка, якія адпавядаюць яго ўзросту, памерам 40х50 мм;
  • дакумент, выдадзены кампетэнтным органам замежнай дзяржавы, які пацвярджае зварот заяўніка па пытанні страты (крадзяжу) пашпарта, дыпламатычнага або службовага пашпарта грамадзяніна Рэспублікі Беларусь або праязнога дакумента Рэспублікі Беларусь (за выключэннем выпадкаў немагчымасці яго атрымання) (+ксеракопія);
  • дакумент, які пацвярджае ўнясенне платы ў памеры 20 еўра.

Консульскі збор за выдачу пасведчання на вяртанне ў Рэспубліку Беларусь складае 20 еўра.

Бясплатна пасведчанне на вяртанне выдаецца:

— грамадзянам Рэспублікі Беларусь і асобам без грамадзянства, якія стала пражываюць у Рэспубліцы Беларусь i якія высылаюцца, дэпартуюцца да Рэспублікi Беларусь або выдаюцца Рэспубліцы Беларусь па хадайніцтвах праваахоўных органаў замежных дзяржаў;
 — грамадзянам Рэспублікі Беларусь і асобам без грамадзянства, якія стала пражываюць у Рэспубліцы Беларусь i якія з'яўляюцца ахвярамі гандлю людзьмі;

— грамадзянам Рэспублікі Беларусь і асобам без грамадзянства, якія стала пражываюць у Рэспубліцы Беларусь i якія не маюць сродкаў для выплаты консульскага збору.

Для афармлення пасведчання на вяртанне ў Рэспубліку Беларусь асобе, якая не дасягнула 14-гадовага ўзросту, яго законны прадстаўнік падае асабіста наступныя дакументы:

  • заява на выдачу пасведчання заява з вызначэннем абставін страты (крадзяжу) пашпарта непаўналетняга грамадзяніна Рэспублікі Беларусь або праязнога дакумента Рэспублікі Беларусь;
  • пашпарт або іншы дакумент, які сведчыць асобу законнага прадстаўніка непаўналетняга (+ксеракопія);
  • пасведчанне аб нараджэнні — для непаўналетняга, які нарадзіўся за межамі Рэспублікі Беларусь (+ксеракопія):
    у выпадку нараджэння ў Турэцкай Рэспубліцы — “Doğum Kayıt Örneği” (Formul A) з прастаўленым апастылем, заверанае і перакладзенае на рускую або беларускую мову. Пасведчанне перакладу можа быць ажыццёўлена ў Рэспубліцы Беларусь перакладчыкам, сапраўднасць подпісу якога засведчана натарыусам Рэспублікі Беларусь або ў Турэцкай Рэспубліцы акрэдытаванымі пры беларускіх замежных установах перакладчыкамі, сапраўднасць подпісу якіх засведчана консульскай службовай асобай;
    у выпадку нараджэння ў іншай дзяржаве – выдадзенае кампетэнтным органам дзяржавы нараджэння, легалізаванае ва ўстаноўленым парадку і суправаджанае натарыяльна завераным перакладам на рускую або беларускую мовы. Адны і тыя ж прозвішчы, імёны і назвы населеных пунктаў на мове перакладу павінны супадаць ва ўсіх прадстаўленых дакументах. Перавод прозвішча, імя бацькоў і дзіцяці, назвы населенага пункта ў замежных дакументах павінен адпавядаць напісанню прозвішча, імя, назве населенага пункта ў дакументах, выдадзеных у Рэспубліцы Беларусь. Калі законны прадстаўнік непаўналетняга з'яўляецца грамадзянінам Рэспублікі Беларусь і мае таксама замежнае грамадзянства, то дадаткова неабходна прадстаўляць дакумент, які пацвярджае дату яго атрымання (без апастыля і без пераводу) для першаснай праверкі прыналежнасці дзіцяці да грамадзянства Рэспублікі Беларусь;
  • дзве каляровыя фатаграфіі непаўналетняга, якія адпавядаюць яго ўзросту, памерам 40 x 50 мм (адным лістом);
  • дакумент, выдадзены кампетэнтным органам замежнай дзяржавы, які пацвярджае зварот заяўніка па пытанні страты (крадзяжу) пашпарта грамадзяніна Рэспублікі Беларусь або праязнога дакумента Рэспублікі Беларусь (за выключэннем выпадкаў немагчымасці яго атрымання) (+ксеракопія).

Пасведчанне на вяртанне выдаецца грамадзяніну Рэспублікі Беларусь або асобе без грамадзянства, якая стала пражывае ў Рэспубліцы Беларусь i якая не дасягнула 14-гадовага ўзросту, бясплатна.

Заява лічыцца прынятай, калі пададзены ўсе вышэйпералічаныя дакументы, аформленыя належным чынам. Максімальны тэрмін разгляду хадайніцтва аб выдачы пасведчання на вяртанне складае 1 месяц з дня падачы заявы. У выпадку прадстаўлення дакументаў, якія дазваляюць консульскай службовай асобе ўстанавіць асобу заяўніка і яе права на атрыманне пасведчання, праверыць факты, з якімі заканадаўства звязвае наяўнасць (адсутнасць) у асобы, якой выдаецца пасведчанне, грамадзянства Рэспублікі Беларусь, пасведчанне, у большасці выпадкаў, выдаецца ў дзень звароты.

Запіс на консульскі прыём па тэлефоне (перайсці па спасылцы)


Важна!
Страчаны (выкрадзены) пашпарт з'яўляецца несапраўдным з дня падачы заявы аб выдачы пасведчання на вяртанне ў Рэспубліку Беларусь. У выпадку далейшага выяўлення страчанага (выкрадзенага) пашпарта ён не можа выкарыстоўвацца. Для афармлення новага пашпарта заяўніку трэба звяртацца ў органы ўнутраных спраў па месцы рэгістрацыі ў Рэспубліцы Беларусь. Рэкамендуем прыняць вычарпальныя меры па выяўленні страчанага пашпарта да моманту звароту ў замежную ўстанову па пытанні афармлення пасведчання на вяртанне ў Рэспубліку Беларусь.

Новы пашпарт афармляецца ў Рэспубліцы Беларусь. Адначасова падлягае здачы атрыманае раней пасведчанне на вяртанне.

Грамадзяне Рэспублікі Беларусь, зарэгістраваныя ў Рэспубліцы Беларусь, звяртаюцца ў падраздзяленне па грамадзянстве і міграцыі УУС па месцы рэгістрацыі ў Рэспубліцы Беларусь.

Грамадзяне, якія аформілі выезд для пастаяннага пражывання (аформілі пастаяннае пражыванне) за межамі Рэспублікі Беларусь, могуць звяртацца:

  • па пытаннях выдачы (абмену) ідэнтыфікацыйных карт і біяметрычных пашпартоў — у галоўнае консульскае ўпраўленне МЗС Беларусі (падрабязная інфармацыя https://mfa.gov.by/visa/passport/) або ў падраздзяленне па грамадзянстве і міграцыі УУС па месцы апошняй рэгістрацыі ў Рэспубліцы Беларусь (па месцы апошняга жыхарства бацькоў — для асоб, якія не пражывалі ў Рэспубліцы Беларусь) (пры падачы заявы аб выдачы (абмене) біяметрычнага дакумента, які сведчыць асобу, абавязкова асабістая прысутнасць грамадзян, у тым ліку непаўналетніх, для лічбавага фатаграфавання, а таксама сканіравання адбіткаў пальцаў рук асоб, якія дасягнулі чатырнаццацігадовага ўзросту);
  • звычайных (не біяметрычных) пашпартоў — толькі ў падраздзяленне па грамадзянстве і міграцыі УУС таксама па месцы апошняй рэгістрацыі ў Рэспубліцы Беларусь (па месцы апошняга жыхарства бацькоў — для асоб, якія не пражывалі ў Рэспубліцы Беларусь) (адсутнічае абавязак асабістай прысутнасці дзіцяці, якое не дасягнула чатырнаццацігадовага ўзросту).

Дыпмісіі Беларусі за мяжой

Усе дыпмісіі Сайт МЗС
Перайсці