Вызначэнне прыналежнасці да грамадзянства Рэспублікі Беларусь
Прыналежнасць асобы да грамадзянства Рэспублікі Беларусь можа быць засведчана:
- пашпартам грамадзяніна Рэспублікі Беларусь;
- дыпламатычным пашпартам грамадзяніна Рэспублікі Беларусь;
- службовым пашпартам грамадзяніна Рэспублікі Беларусь;
- нацыянальным пасведчаннем асобы марака.
Пры адсутнасці ў асобы дакумента, якi сведчыць грамадзянства Рэспублікі Беларусь (страта, прывядзенне ў непрыдатнасць і іншыя прычыны), ўзнікненні сумненняў у сапраўднасці або абгрунтаванасці выдачы такога дакумента, а таксама пры абставінах, якія дазваляюць меркаваць наяўнасць альбо адсутнасць у асобы грамадзянства Рэспублікі Беларусь, праводзіцца праверка прыналежнасці гэтай асобы да грамадзянства Рэспублікі Беларусь.
Праверка прыналежнасці асобы да грамадзянства Рэспублікі Беларусь ажыццяўляецца як па заяве асобы, складзенай у адвольнай форме, так і па ініцыятыве замежнай установы.
Для правядзення працэдуры вызначэння прыналежнасці да грамадзянства Рэспублікі Беларусь грамадзяне, стала зарэгістраваныя па месцы жыхарства ў Рэспубліцы Беларусь, звяртаюцца ў замежную ўстанову з пісьмовай заявай, адрасаванай у падраздзяленне па грамадзянстве і міграцыі па месцы сваёй рэгістрацыі ў Рэспубліцы Беларусь (грамадзяне, якія аформілі ў вызначаным заканадаўствам парадку выезд да сталага жыхарства за межы Рэспублікі Беларусь і дакументаваныя пашпартам серыі «РР» — з заявай, адрасаванай у адпаведную замежную ўстанову Рэспублікі Беларусь), і прыкладаюць да яе наступныя дакументы, неабходныя для ажыццяўлення гэтай працэдуры:
- пасведчанне аб нараджэнні і яго копію;
- аўтабіяграфію з пазначэннем дакладнага адрасу пражывання ў Рэспубліцы Беларусь (у Турэцкай Рэспубліцы);
- дакумент аб заключэнні / скасаванні шлюбу (пры змене прозвішча) і яго копію;
- дакумент аб змене прозвішча, уласнага імя, імя па бацьку (пры змене прозвішча, уласнага імя, імя па бацьку) і яго копію;
- пашпарт грамадзяніна Рэспублікі Беларусь / СССР (пры наяўнасці) і копіі яго старонак з усталявальнымі звесткамі, а таксама старонак, якія змяшчаюць адзнакі кампетэнтных органаў за выключэннем візавых і штампаў аб перасячэнні мяжы;
- пашпарт грамадзяніна замежнай дзяржавы і копіі яго старонак з усталявальнымі звесткамі, а таксама старонак, якія змяшчаюць адзнакі кампетэнтных органаў за выключэннем візавых і штампаў аб перасячэнні мяжы;
- афіцыйны дакумент з гербавай пячаткай, які пацвярджае факт набыцця грамадзянства замежнай дзяржавы (з пазначэннем дакладнай даты яго набыцця) і яго копію (Запіс аб грамадзяніне Турцыі Nüfus Kayıt Örneği (дакумент павінен змяшчаць раздзел 'Vatandaşlık'). На гэтым дакуменце павінен быць прастаўлены штамп апастыль);
- дзве актуальныя каляровыя фотакарткі памерам 37х47 мм.
Пры гэтым усе дакументы, складзеныя на замежнай мове, павінны быць прадстаўлены ў замежную ўстанову з перакладам на рускую ці беларускую мову, выкананым акрэдытаваным перакладчыкам.
Па выніках разгляду матэрыялаў аб вызначэнні прыналежнасці асобы да грамадзянства Рэспублікі Беларусь выносіцца заключэнне, у якім называюцца прававыя падставы, у адпаведнасці з якімі асоба прызнаецца альбо не прызнаецца грамадзянінам Рэспублікі Беларусь.
Праверка прыналежнасці асобы да грамадзянства Рэспублікі Беларусь ажыццяўляецца ў межах тэрміну, неабходнага для дакладнага вызначэння наяўнасці абставін, з якімі заканадаўства Рэспублікі Беларусь звязвае прыналежнасць да грамадзянства Рэспублікі Беларусь, які не перавышае шасці месяцаў з дня прыняцця ад асобы адпаведнай заявы.
Паводле вынікаў праверкі асобе выдаецца даведка аб прыналежнасці да грамадзянства Рэспублікі Беларусь, якая пацвярджае ўсталяваны факт.
У выпадку, калі заяўнік не быў прызнаны грамадзянінам Рэспублікі Беларусь, у яго забіраецца беларускі пашпарт, а ўезд у Рэспубліку Беларусь ажыццяўляецца па праязным дакументам замежнай дзяржавы з візай Рэспублікі Беларусь, пры атрыманні якой неабходна падаваць даведку аб прыналежнасці да грамадзянства Рэспублікі Беларусь.
Консульскі збор за выдачу даведкі аб прыналежнасці да грамадзянства Рэспублікі Беларусь складае 35 еўра.
