Удзел у першай Міжнароднай канферэнцыі «Мосты медыцынскага турызму»
21.11.2025 г.21–22 лістапада 2025 года беларуская дэлегацыя на чале з Надзвычайным і Паўнамоцным Паслом Рэспублікі Беларусь АнатолIям Глазам і Генеральным консулам Рэспублікі Беларусь у Стамбуле Яўгеніяй Барткевіч узяла ўдзел у першай Міжнароднай канферэнцыі «Мосты медыцынскага турызму: саміт па ахове здароўя, дыпламатыі і інавацыях», якая праходзіць у горадзе Ізмір.
Форум сабраў вядучых экспертаў медыцынскай індустрыі, прадстаўнікоў дыпламатычных місій, спецыялістаў па інавацыйных тэхналогіях і медыцынскім турызме з 60 краін свету. Беларусь на мерапрыемстве прадстаўлялі Таццяна Мурзіна, загадчыца аддзялення медыцынскай рэабілітацыі і цэнтра кітайскай традыцыйнай медыцыны Мінскай абласной клінічнай бальніцы, і Васіль Гарашчанка, урач спартыўнай медыцыны аддзела каардынацыі медыцынскага забеспячэння нацыянальных каманд Дзяржаўнай установы РНПЦ спорту.
У ходзе канферэнцыі дэлегацыя адзначыла ініцыятывы і рашэнні па актуальных пытаннях супрацоўніцтва ў сферы медыцынскага турызму, а таксама планы па рэалізацыі сумесных інавацыйных праектаў. Асаблівая ўвага была нададзена абмену вопытам і развіццю партнёрства паміж Беларуссю і Турцыяй. Прадстаўнікам турэцкай медыцыны былі прадэманстраваны ўзоры спартыўнага харчавання ААТ «Беллакт», біялагічна актыўныя дапаўненні кампаній «VitusPharm» і «НІКА», вырабленыя Нацыянальнай акадэміяй навук.
Акрамя таго, адбыліся перамовы з выканаўчым дырэктарам бальніцы Medipol пры Стамбульскім універсітэце Medipol, кіраўніцай Клінікі прыкладной і даследчай медыцыны Чыдэм Тунчэр, і дырэктарам міжнароднага аддзела доктарам Хашымам Асланам Алтынбашам з мэтай пашырэння супрацоўніцтва і абмену лекарамі і ведамі ў галіне медыцынскіх інавацый.
Удзел нашых прадстаўнікоў у канферэнцыі ўмацоўвае міжнароднае супрацоўніцтва і садзейнічае развіццю медыцынскага турызму як важнага напрамку двухбаковых адносін паміж Беларуссю і Турцыяй.
