Агульная інфармацыя

Пытанні, звязаныя з грамадзянствам Рэспублікі Беларусь, разглядаюцца ў адпаведнасці з Канстытуцыяй Рэспублікі Беларусь, Законам Рэспублікі Беларусь «Аб грамадзянстве Рэспублікі Беларусь» ад 01.08.2002 года, Палажэннем аб парадку разгляду пытанняў, звязаных з грамадзянствам Рэспублікі Беларусь, зацверджаным Указам Прэзідэнта Рэспублікі Беларусь № 209 ад 17.11.1994 года ў рэдакцыі Указа Прэзідэнта Рэспублікі Беларусь № 755 ад 29.12.2006 года, а таксама іншымі актамі заканадаўства, у тым ліку міжнароднымі дамовамі Рэспублікі Беларусь.

Грамадзянамі Рэспублікі Беларусь з'яўляюцца:

• асобы, якiя знаходзяцца ў грамадзянстве Рэспублікі Беларусь на дзень уступлення ў сiлу гэтага Закона (г.зн. 17.08.2002 года);

• асобы, якія набылі грамадзянства Рэспублікі Беларусь у адпаведнасці з гэтым Законам.

Грамадзянамі Рэспублікі Беларусь па нараджэнні прызнаюцца асобы, якiя нарадзiлiся ў межах сучаснай тэрыторыі Рэспублікі Беларусь, з'яўлялiся грамадзянамi былога СССР пры нараджэннi i атрымалi грамадзянства Рэспублiкi Беларусь да ўступлення ў сiлу гэтага Закона.

Грамадзянства Рэспублікі Беларусь набываецца:

• па нараджэнні (гл. раздзел «Грамадзянства непаўналетніх дзяцей»);

• у выніку прыёму ў грамадзянства Рэспублікі Беларусь (гл. раздзел «Прыём у грамадзянства»);

• у парадку рэгiстрацыi (афармленне ажыццяўляецца органамі ўнутраных спраў на тэрыторыі Рэспублікі Беларусь).

Грамадзянства Рэспублікі Беларусь спыняецца ў вынiку:

• выхаду з грамадзянства Рэспублікі Беларусь (гл. раздзел «Выхад з грамадзянства»);

• страты грамадзянства Рэспублікі Беларусь (гл. раздзел «Страта грамадзянства»).

Генеральнае консульства Рэспублікі Беларусь у г.Стамбуле:

• прымае ад асоб, якія стала пражываюць за мяжой, заявы па пытаннях грамадзянства, правярае факты i дакументы, прадстаўленыя ў абгрунтаванне такiх заяў;

• накіроўвае матэрыялы па заявах аб прыёме ў грамадзянства i выхадзе з грамадзянства Рэспублікі Беларусь на разгляд Прэзiдэнта Рэспублiкi Беларусь;

• вызначае прыналежнасць асоб, якія знаходзяцца за мяжой, да грамадзянства Рэспублікі Беларусь (гл. раздзел «Вызначэнне прыналежнасці да грамадзянства»);

• рэгіструе страту грамадзянства Рэспублікі Беларусь асобамі, якія стала пражываюць за мяжой;

• вырашае пытаннi змянення грамадзянства на падставах, прадугледжаных міжнароднымі дамовамі Рэспублікі Беларусь;

• ажыццяўляе кантроль за спыненнем замежнага грамадзянства ў асоб, прынятых у грамадзянства Рэспублiкi Беларусь;

• вырашае ў адпаведнасці з заканадаўствам Рэспублікі Беларусь iншыя пытаннi, звязаныя з грамадзянствам Рэспублікі Беларусь.

Генеральнае консульства прымае заявы па грамадзянстве Рэспублікі Беларусь толькі ад грамадзян, якія стала пражываюць у Турцыі, г.зн. аформілі ў вызначаным парадку дазвол на сталае жыхарства за межамі Рэспублікі Беларусь, а таксама якія знаходзяцца на сталым консульскім уліку ў Генконсульстве.

Калі заяўнік не можа падпісаць заяву па прычыне недасведчанасці або фізічных недахопаў, заява па яго просьбе падпісваецца iншай асобай.

Заява лічыцца прынятай з дня падачы ўсіх прадугледжаных заканадаўствам дакументаў, аформленых належным чынам.