Аб Беларускіх Калядах у Стамбуле

22.12.2023 г.

22 снежня 2023 г. у раённым культурным цэнтры Бакыркёй/Стамбул адбыліся традыцыйныя Беларускія Каляды.

На яркае пераднавагодняе мерапрыемства, праведзенае пры падтрымцы беларускага Генконсульства ў Стамбуле і мэрыі раёна Бакыркёй, сабралася каля ста прадстаўнікоў беларускай дыяспары Стамбула з дзецьмі.

Ва ўступным слове Генконсул Аляксей Швед адзначыў важнасць, асабліва ў Год міру і стварэння, правядзення аб'яднальных мерапрыемстваў з удзелам беларускай дыяспары, падтрымання нацыянальных і культурных традыцый за мяжой, пажадаў беларусам Стамбульшчыны поспехаў і моцнага здароўя ў надыходзячым 2024 годзе.

Прысутныя з задавальненнем узялі ўдзел у інтэрактыўнай тэатралізаванай пастаноўцы з навагоднімі персанажамі. У канцы Каляднай казкі кожнае дзіця атрымала па «салодкім» навагоднім падарунку ад кандытарскай фабрыкі «Спартак».