Аб паездке Генконсула ў Ізмір

1-2 верасня 2023 г. Генеральны консул Беларусі ў Стамбуле Аляксей Швед знаходзіўся з працоўным візітам у Ізміры.

1 верасня на базе офіса Ганаровага консула Беларусі ў Ізміры Аляксей Швед правёў выязны прыём для грамадзян Рэспублікі Беларусь, якія пражываюць у цэнтральных і паўднёвых рэгіёнах консульскай акругі Генконсульства.На мерапрыемстве, якое сабрала каля 30 чалавек, адбыўся зацікаўлены дыялог з суайчыннікамі аб умовах жыцця ў Турцыі, дадзены кансультацыі па актуальных консульска-прававых пытаннях, аформлены шэраг консульскіх дзеянняў.

Па запрашэнні мэрыі Ізміра беларускі дыпламат узяў удзел у адкрыцці 92-га Ізмірскага міжнароднага кірмашу. У гэтым годзе найстарэйшы ў Турцыі міжнародны форум, які працягнецца да 10 верасня, спалучаны са святкаваннем стагоддзя Турэцкай Рэспублікі. Аляксей Швед правёў перамовы з першым віцэ-мэрам Ізміра Мустафой Азуслу, абмеркаваў магчымасці актывізацыі міжрэгіянальнага супрацоўніцтва.

Версія для друку