Аб узмацненні супрацоўніцтва ў сферы культуры і кінематаграфіі
23.10.2026 г.
Генеральны консул Рэспублікі Беларусь у Стамбуле Яўгенія Борткевіч правяла сустрэчу з намеснікам Генеральнага дырэктара Галоўнага ўпраўлення па кінематаграфіі Міністэрства культуры Турэцкай Рэспублікі Сяльчукам Явузканатам.
У перамовах прынялі ўдзел генеральны дырэктар нацыянальнай кінастудыі «Беларусьфільм» Д. Сямёнаў і намеснік начальніка аддзела па кінематаграфіі Міністэрства культуры Рэспублікі Беларусь А. Каротчыкава.
Бакі абмеркавалі перспектывы двухбаковага супрацоўніцтва ў сферы кінематаграфіі, уключаючы правядзенне Дзён кіно на ўзаемнай аснове, рэалізацыю сумесных кінапраектаў і ўдзел кінематаграфістаў дзвюх краін у міжнародных кінафестывалях. Асобая ўвага ўдзелена магчымасцям паказу анімацыйных фільмаў вытворчасці нацыянальнай кінастудыі «Беларусьфільм» у кінатэатрах Турцыі. Турэцкі бок выказаў зацікаўленасць у развіцці дадзенага напрамку ўзаемадзеяння.
Генеральны консул таксама прыняла ўдзел у сустрэчы Надзвычайнага і Паўнамоцнага Пасла Рэспублікі Беларусь у Турэцкай Рэспубліцы А. Глаза з генеральным дырэктарам Галоўнага ўпраўлення па міжнародным культурным супрацоўніцтве Міністэрства замежных спраў Турэцкай Рэспублікі Улькю Каджаэфе. Падчас размовы разгледжаны перспектывы пашырэння беларуска-турэцкіх культурных сувязяў, развіцця прамых кантактаў паміж профільнымі арганізацыямі і рэалізацыі сумесных праектаў, у тым ліку ў галіне кінематаграфіі.
У рамках праграмы Яўгенія Борткевіч сумесна з прадстаўнікамі Міністэрства культуры Беларусі наведала міжнародны кірмаш сучаснага мастацтва ARTNOUVA 2026 у кангрэс-цэнтры АТО Congressium у Анкары. На кірмашы прадстаўлены работы юных беларускіх мастакоў Кіры Борткевіч з Мінска і Мацвея Маліноўскага з Віцебска — уладальнікаў гран-при фестывалю-конкурсу дзіцячай і моладзевай творчасці «Вясёлка над Віцебскам» 2026 года.
Падчас зносін з арганізатарамі кірмашу абмеркаваны магчымасці правядзення абменных выстаў і майстар-класаў беларускіх народных майстроў у Турцыі, а таксама перспектывы супрацоўніцтва ў музейнай сферы.
