Аб беларускіх Калядах у Турцыі
25.12.2022 г.25 снежня 2022 г. у цэнтральным доме культуры турэцкага горада Гёльджук на прыгожым узбярэжжы Мармуровага мора адбыліся святочныя беларускія Каляды.
Галоўнымі арганізатарамі свята, якое сабрала звыш 120 чалавек, у тым ліку больш чым 60 дзетак, пры падтрымцы мэрыі горада выступілі Каджаэлійскае таварыства беларусаў і рускамоўных суайчыннікаў і Генконсульства Беларусі ў Стамбуле. Мерапрыемства наведаў мэр горада Гёльджук Алі Йылдырым Сезер.
У сваім выступе Генеральны консул Беларусі ў Стамбуле Аляксей Швед адзначыў аб'яднаўчую ролю культуры, што тым больш сімвалічна для беларусаў у 2022 годзе, бо гэты год быў аб'яўлены Годам гістарычнай памяці.
Дзятва з задавальненнем акунулася ў святочную навагоднюю казку, а вясёлыя спаборніцтвы з падарункамі з Беларусі і калядны кірмаш нікога не пакінулі абыякавымі.
Напрыканцы госці свята пачаставаліся стравамі беларускай кухні, прыгатаванымі рукамі саміх удзельнікаў.
Усім без выключэння малышам дасталіся падарункі-цацкі ад знакамітай кандытарскай фабрыкі «Спартак», дастаўленыя ў Турцыю нашымі сябрамі з авіякампаніі «Белавія» і Міністэрства па надзвычайных сітуацыях.
А ў год стагоддзя Нацыянальнай бібліятэкі Беларусі ў рамках акцыі “Аб Беларусі – беларусам замежжа” актыву Каджаэлійскага таварыства беларусаў і рускамоўных суайчыннікаў быў перададзены кніжны фонд з навучальных дапаможнікаў па беларускай мове і літаратуры.