Апастыль і парадак легалізацыі дакументаў
Афіцыйныя дакументы, складзеныя на тэрыторыі Рэспублікі Беларусь, якія прад'яўляюцца для легалізацыі, павінны быць аформлены ў адпаведнасці з патрабаваннямі артыкулаў 3-5 Інструкцыі па справаводству ў дзяржаўных органах і арганізацыях Рэспублікі Беларусь, зацверджанай пастановай Міністэрства юстыцыі Рэспублікі Беларусь ад 19 студзеня 2009 г. № 4, калі іншае не прадугледжана нарматыўнымі прававымі актамі Рэспублікі Беларусь.
Разам з тым на падставе артыкулаў 2 і 3 Гаагскай канвенцыі, якая адмяняе патрабаванне легалізацыі замежных афіцыйных дакументаў, ад 5 кастрычніка 1961 года, дакументы, якія выдаюцца дзяржаўнымі ўстановамі адной з краін-удзельніц Канвенцыі, з'яўляюцца сапраўднымі ў іншай краіне-удзельніцы без консульскай легалізацыі пры ўмове прастаўлення на іх апастылю. Па стану на 7 верасня 2023 г. да Гаагскай канвенцыі далучылiся 126 краін-удзельніц, уключаючы Турэцкую Рэспубліку. Апастыль сведчыць сапраўднасць подпісу, якасць, у якім выступала асоба, падпісаўшая дакумент, і, у належным выпадку, сапраўднасць пячаткi або штампа, якімі змацаваны гэты дакумент.
У Рэспубліцы Беларусь права прастаўлення апастылю маюць:
|
Міністэрства юстыцыі |
на дакументах, якія зыходзяць ад устаноў юстыцыі і судоў (натарыята) |
|
Міністэрства адукацыі |
на дакументах, якія зыходзяць ад устаноў адукацыі
|
|
Дэпартамент па архівах і справаводству Міністэрства юстыцыі |
на дакументах, якія зыходзяць ад падведамных дзяржаўных архіваў |
|
Галоўнае консульскае ўпраўленне Міністэрства замежных спраў |
на ўсіх іншых відах дакументаў, уключаючы пасведчання аб рэгістрацыі актаў грамадзянскага стану (пасведчання аб шлюбе, нараджэнні), даведках, выдадзеных аддзеламі ЗАГС раённых, гарадскіх выканаўчых камітэтаў і мясцовых адміністрацый раёнаў у гарадах, Дамамі (Палацамi) грамадзянскіх абрадаў гарадскiх выканаўчых камітэтаў |
У Турэцкай Рэспубліцы права прастаўлення «апастылю» маюць:
у вилайетах (il) — губернатарства (valilik);
у паветах (ilçe) — мэрыі (kaymakamlık).
Звяртаем увагу на тое, што па рашэнні губернатарства Стамбула працэдура прастаўлення апастылю і засведчанне дакументаў, выдадзеных консульскімі ўстановамі замежных дзяржаў, акрэдытаванымі ў г.Стамбуле, ажыццяўляецца толькі ў раённых аддзяленнях (каймакамлыках) правінцыі.
